November 2015 - IFBC Organization | Download

සැරියුත් මහරහතන් වහන්සේ – පූජ්‍ය නාඋයනේ අරියධම්ම හිමි (Sariuth maha rahathan wahanse – Ven Nauyane Ariyadhamma Maha Thero )

Posted by | පූජ්‍ය නා උයනේ අරියධම්ම හිමි ( Ven Nauyane Ariyadhamma Maha Thero ) | No Comments

සැරියුත් මහරහතන් වහන්සේ” යන නාමය ඇසුණු සැණින් අප මනස දිව යන්නේ විහාරගෙයි බුදුපිළිම වහන්සේගේ දකුණුපසින් වැඩ සිටින මහා ශ්‍රාවක පිළිම වහන්සේ වෙත ය. ගෞතම බුදුරජාණන් වහන්සේගේ අගසව් දෙනම වන්නේ සැරියුත් මහරහතන් වහන්සේත් මුගලන් මහරහතන්වහන්සේත් වම්පසින් මුගලන් මහරහතන් වහන්සේත් වැඩ සිටිති.

සැරියුත් මහ තෙරුන් උතුරු ඉන්දියාවේ රජගහ නුවරට නුදුරින් පිහිටි නාලක බමුණු ගමේ වංගන්ත බමුණාට දාව රූපසාරී බැමිණිය ගේ කුසෙන් ඉපිද “උපතිස්ස” යන නම ලැබුවේය. සාරී බැමිණිය ගේ පුත්‍රයා නිසා “සාරිපුත්ත” යන නමින් ද ප්‍රකට විය.

උපතිස්ස තෙමේ පසු කලෙක රජගහ නුවර ධර්ම ප්‍රචාරයේ යෙදුණු අස්සජි මහ තෙරුන් වහන්සේ දැක පැහැදී අවසානයේ දහම් ඇස පහළ කර ගත්තේය. අස්සජි තෙරුන් වහන්සේ දේශනා කළ සතර පෑ ගාථාවෙන් පළමු පද දෙක අසා අවසන් වනවාත් සමඟ ම සෝවාන් ඵලයෙහි පිහිටියේය. පසුව තම මිතුරා වූ කෝලිතට ද තොරතුරු දන්වා බුදුරදුන් වෙත ගොස් “ඒහි භික්ඛු” භාවයෙන් පැවිදි උපසම්පදාව ලැබුවේය. ඉන් සති දෙකක් ඇවෑමෙන් පසු බුදුරදුන් රජගහ නුවර ”සූකරඛත” ලෙනේ දී සැරියුත් මහ තෙරුන් වහන්සේගේ බෑණනුවන් වූ “දීඝනඛ” පරිබ්‍රාජකයාට දේශනා කළ ධර්මය අසා සියලු කෙලෙසුන් නසා මහරහත් භාවයට පත් විය. ඒ බව උන්වහන්සේ ථෙර ගාථා පාලියේ දී මෙසේ දක්වා තිබේ.

”භාග්‍යවත් බුදුරජාණන් වහන්සේ අනිකෙකු හට ධර්මය දේශනා කළ සේක. ඒ ධර්ම දේශනාව යොමු කළ කන් ඇති ව ඉතා හොඳින් ශ්‍රවණය කළෙමි. එය හිස් එකක් නොවීය. ඒ දහම් ශ්‍රවණය කළ මම සියලු කෙලෙසුන් නසා මහරහත් බව ලැබුවෙමි.”

ගෞතම බුදුරජාණන් වහන්සේගේ ශාසනයේ මහා ප්‍රඥාසම්පන්න භික්ෂූන් අතුරින් අග්‍රස්ථානය ලබා ගත්තේ සැරියුත් මහරහතන් වහන්සේ ය. එසේ ම බුදුරදුන් ගේ දකුණත් සර්ව තනතුර දැරුවේ ද ගෞතම බුදු සසුනේ ධර්ම සේනාධිපති තනතුර දැරුවේ ද සැරියුත් මහරහතන් වහන්සේ ය. සැරියුත් මහරහතන් වහන්සේ ගේ චරිතය තුළින් යහ දිවියකට කැමති ඕනෑ ම පුද්ගලයෙකුට ගත හැකි ආදර්ශයන් බොහෝ ය. ඒ බව උන්වහන්සේ ගේ චරිතය විමසීමෙන් මනාව ප්‍රකට කෙරේ.

එවන් උත්තම මහ රහතන් වහන්සේකෙනෙකු ගැන පූජ්‍ය නා උයනේ අරියධම්ම මාහිමියන් විසින් රචිත ග්‍රන්ථය භාගත කරගන්න.

බාගතකර ගැනීම

සම සතළිස් කර්මස්ථාන භාවනා – පූජ්‍ය නාඋයනේ අරියධම්ම හිමි ( Sama sathalis karmasthana Bhawana – Ven Nauyane Ariyadhamma Maha Thero )

Posted by | පූජ්‍ය නා උයනේ අරියධම්ම හිමි ( Ven Nauyane Ariyadhamma Maha Thero ) | No Comments

සමථ විපස්සනා භාවනා නමින් භාවනා ක්‍රම දෙකක් ඇත. බුද්ධ ශාසනයේ පරමාර්ථය වූ  සියලු දුක් සන්සිදවන ශාන්ත නිවන් සුව සාක්ෂාත් කිරීම පිණිස එම භාවනා ක්‍රම දෙක අත්‍යාවශ්‍යයි. මහ මුහුද එක තැනින්ම ගැඹුරු නොවී අනුපිලිවෙලින් ගැඹුරු වී ඇත්තා සේ බුද්ධ ශාසනය නිවන දක්වා ගැඹුරු වී ඇත්තේ අනුපිළිවෙලිනි. ශීල, සමාධි, ප්‍රඥා යනු  ඒ අනු පූර්ව ප්‍රතිපදාවයි.

ශීලය සමාධියටත්, සමාධිය ප්‍රඥාවටත් ප්‍රඥාව නිවනටත් අනුපිළිවෙලින් පැමිණේ. මැදුම් පිළිවෙත – අනුලෝම පිළිවෙත – අරි අට්‍රගි මග ආදී නමින් හැදින්වෙන්නේද ශීග, සමාධි, ප්‍රඥාවමය. සුවසේ නිවන් අවබෝධ කිරීම පිණිස ශීලයේ පිහිටා සමථ භාවනාවෙන් චිත්ත සමාධිය උපදවා විදර්ශනා වැඩීමෙන් මැදුම් පිළිවෙත, අරි අටගි මග වැඩිය යුතුවේ.

  • කතෘ ස්වාමීන් වහන්සේ

මෙම අගනු පුස්තකය ඔබත් බාගතකරගන්න.

බාගතකර ගැනීම

බුද්ධානුස්සති භාවනා පිරිත සහිත චතු විශාරද ඥාන දේශනා – පූජ්‍ය නාඋයනේ අරියධම්ම හිමි ( The Buddhanussathi Bhawana piritha sahitha Chathu wisharada gna deshana – Ven Nauyane Ariyadhamma Maha Thero )

Posted by | පූජ්‍ය නා උයනේ අරියධම්ම හිමි ( Ven Nauyane Ariyadhamma Maha Thero ) | No Comments

චතු විශාරද ඥාන පිළිබදව ධර්ම ග්‍රන්ථය මෙවර අපගේ ජන්ම දිනය සිහිපත් කරමින් මුද්‍රණය කරනු ලබන්නේ සත්ගුණවත් එස්.බී.දිවාරත්න මහත්මයා සහ දිවාරත්න මහත්මිනී විසිනි.

1994 පෙබරවාරි 25 දා ගල්දූවේ අභිනව පොකුණ පූජාකල නවම් පොහෝදින දේශනා කරන ලදචතු විශාරද ඥාන දේශනාව දහම් පොතක් වශයෙන් මුද්‍රණය කරවීමට ලියාදෙනු මැනව’යි කරන ලද කාරුණික ආරාධනාව පරිදි විශේෂ ධර්ම දේශනාදී ආගමික කටයුතු රැසක් සදහා ඕස්ට්‍රේලියාවේ බ්‍රිස්බන් නුවරට වැඩිය බැවින් එහිදී ලැබුණ විවේක අවසරයේදී මෙය ඉතා සැකෙවින් සකස් කලෙමි.

මෙහි විශාරද ඥාන සතර විවරණයට අනතුරුව විශාරද ඥාන පිරිතක් යෙදිමි. එය නිතර භාවිතයට සුදුසු ආරක්ෂක පිරිතක් වනු ඒකාන්තය. පිරිතට අනතුරුව ඇත්තේ විශාරද ඥාන අනුව බුදුගුණ භාවනාවකි. එය නිතිපතා භාවිතයට සුදුසු අනුස්සතියකි. මහ සයුරේ කොතැනින් දිය බිදක් ගත්තේද එහි එකම ළවන රසය ඇත්තා සේ බුදුගුණ සයුරේ කොතැනින් ගුණ පදයක් ගත්තේද එහි ඇත්තේ අමා මිහිරකි. රුවන් ගබඩාවකට ඇතුලු වූ පුද්ගලයාගේ හාත්පසම රන් රුවන් මුතු මැණික් ආලෝකයේ කාන්තිය පැතිරෙන්නා සේද බුදුගුණ ගබඩාවට ඇතුලු වූ පුණ්‍ය වන්තයාගේ හාත්පසද බුදුගුණ රුවනේ කාන්තිය පැතිරෙනු ඒකාන්තය. බුදුගුණයෙන් සැනසෙනු කැමැත්තෝ නිරන්තරෙයෙන් මෙවැනි බුද්ධානුස්සති භාවනා වඩත්වා.

  • කතෘ ස්වාමීන් වහන්සේ

මෙම අගනු පුස්තකය ඔබත් බාගතකරගන්න.

බාගතකර ගැනීම

ආනාපානාසති දේශනාව – පූජ්‍ය නාඋයනේ අරියධම්ම හිමි ( The Anananasathi Deshanawa – Ven Nauyane Ariyadhamma Maha Thero )

Posted by | පූජ්‍ය නා උයනේ අරියධම්ම හිමි ( Ven Nauyane Ariyadhamma Maha Thero ) | No Comments

තථාගතප්පවේදිතො ධම්ම විනයො විරොචති නො පටිච්චන්නො

සම්මා සම්බුදුරජාණන් වහන්සේගේ ශ්‍රී සද්ධර්මය විවෘත වූයේ ම බබළන්නේය. සැගවී ගියේනම් එසේ නොවේ. යනු සූත්‍රපාඨයේ තේරුමයි. චන්ද්‍ර සූර්ය දෙදෙනා ගගන තලයේ බැබළෙවනුයේ වළාකුලු, මීදුම, ධූමදානයථ දූවිල්ල, රාහු නැමැති බාධාවන් නොමැති විටකය. එසේම ශ්‍රී සද්ධර්මය බැබලෙනුයේ ශ්‍රාවකයන් විසින් ශ්‍රද්ධාවත්, කුවණත් ලිහිටුවාගෙන ධර්මය ඉගෙනීම උගැන්වීම අනුගමනය කරමින්ද පිලිවෙත්හි යෙදීමෙනි.

ශ්‍රී සම්බුද්ධ ජයන්ති සමයේ සිට සමථ විපස්සනා භාවනා ගැන බෞද්ධයන්ගේ උද්‍යෝගය උදා වූ බැවින් ථෙරවාද බෞද්ධ රටවල ඉමහත් ප්‍රබෝධයක් ජනිත විය. ඈත අතීතයේ  දියුණුවෙන් පැවති ධ්‍යාන භාවනා ගැනත් පුනර්ජීවයක් උදාපත් කරන ලද්දේ වර්තමානයේ ම්‍යන්මාර් රාජධානියේ මෝලමියෙන් නගර ආශ්‍රිත චිත්තලපබ්බත භාවනා මධ්‍යස්ථානයෙහි පැවිදි දහස් ගණනකට ඒ සදහා උපදෙස් දෙමින් වැඩ සිටින අතී පූජ්‍ය කම්මට්ඨානාචාර් ඵා අවුක් සෙයාඩෝ මාහිමියන් විසිනි.

ශ්‍රී ලංකාවාසීන් හටත් එම සමථ පූර්වාංගම විපස්සනා භාවනා පුහුණු කරවනු පිණිස අපගේ ගෞරවණීය ආරාධනාවෙන් 1997 ජනවාරි මස 27 වෙනිදා ශ්‍රී ලංකාවට එම මාහිමියන් වහන්සේ ප්‍රධාන පිරිස 10 දෙනෙකු වැඩම කරවා ආරම්භ කළ ප්‍රථමවැඩසටහනේදී අප විසින් යෝගී පිරිස සදහා පවත්වන ලද දම් දෙසුම “ආනාමානාසති භාවනාව” නමින් මෙසේ දහම් පොතක් බවට මුද්‍රණය වී ඇත.

  • කතෘ ස්වාමීන් වහන්සේ

මෙම අගනු පුස්තකය ඔබත් බාගතකරගන්න.

බාගතකර ගැනීම

ජාතික තොටිල්ල – ටිබෙට් ජාතික එස්. මහින්ද හිමි ( Jathila Thotilla – S. Mahinda Thero)

Posted by | ඉපැරණි ග්‍රන්ථ (Old Books ) | No Comments

” පෙරදිග ලෝකයේ බබළන මුතු ඇටය” වන අපගේ මාතෘ භූමියට සිංහල භාෂාවට හා බුදු දහමට අමිල සේවාවක්‌ කරමින් සිංහලයන් තුළ ජාතික හැඟීම් පුබුදු කරවීමෙහිලා මහත්වූ වෙහෙසක්‌ දැරූ විදේශිකයන් අතරින් ප්‍රමුඛස්‌ථානය ලැබෙනුයේ ටිබෙට්‌ ජාතික සිකීම් මහින්ද හිමියන්ටය.

සිංහලයකු නොවූවද ලක්‌බිමෙහි නොඉපදුණ සිංහල ජාතිය ගැන බුදුදහම පිළිබඳව නිරතුරුව ජාතික කැක්‌කුමකින් ක්‍රියා කළ මහින්ද හිමියෝ සිය කවීත්වය උපයෝගි කරගෙන නිදා සිටි සිංහලයන් අවදි කිරීමේ පුරෝගාමී මෙහෙවරක නිරතවූහ.

එස්‌. කේ. ටෂිනම්ගල් කුමරු හිමාලය කඳුවැටිය අසල ටිබැට්‌ ප්‍රදේශයට යාබද සිකීම් නුවරදී උපත ලබන්නේ 1901 වසරේදීය. උපතින් වසර 13 කට පසුව එනම් 1914 දී ටෂිනම්ගල් කුමරු ජර්මන් ජාතික හිමිනමක්‌ සමග ලක්‌දිවට පැමිණ මහාබෝධි සමාගමට අයත් විද්‍යාලයකට ඇතුළුවී ඉගෙනීමෙහි සහජ දක්‍ෂතා දක්‌වමින් අධ්‍යයන කටයුතුවල නිරත විය.

ඒ අතරතුරදී අලුත්ගම සීලක්‌ඛන්ධ නාහිමියන්ගෙන් සංස්‌කෘත සිංහල, පාලි, බුද්ධාගම ආදී සියලු ශාස්‌ත්‍රයන් මැනවින් ප්‍රගුණ කරමින් ව්‍යක්‌ත ධර්ම දේශකයන් වහන්සේ නමක්‌ වූයේ සාමණේර අවධියේදීමය. පසුව දොඩන්දූව ශෛලබිම්බාරාමයේ සිට රත්මලානට පැමිණ රත්මලාන පුරාණ රජමහා විහාරාධිපතිව සිටි ධර්ම කීර්ති ශ්‍රී ඉන්ද්‍රජෝති හිමියන්ගේ ශිෂ්‍යයකුව මහණ උපසම්පදාව ලබාගෙන ශ්‍රී ධර්මාරාම පිරිවෙනට ඇතුළු වී ප්‍රාචීන ප්‍රාරම්භ මධ්‍යම යන විභාග වලින් උසස්‌ ලෙස සමත් විය. මහින්ද හිමියන් කොළඹ ආනන්ද විද්‍යාලයේ ආචාර්ය ධුරයකට පත්වන්නේ ඉන් අනතුරුවය.

Read More

පංච මහා වාදය ( Pancha maha wadaya)

Posted by | ඉපැරණි ග්‍රන්ථ (Old Books ) | No Comments

පංච මහා වාදය වූකලි බෞද්ධ ක්‍රීස්තියාණි දෙපස අතර කලකට පෙර ඇති වූ වාද පසක් එන් රැස්කොට අප විසින් සම්පාදනය කරනලද ග්‍රන්ථයකි.  ගම්පල වාදය, පානදුරේ වාදය, උදන්විට වාදය, බද්දේගම වාදය,හා ඌරුගොඩවත්ත වාදයත් මෙයට ඇතුලත්ය.
බෞද්ධයෙකු හැටියට පෙනී සිටීමට පසුබට වූ අවදියකදී මොහොට්ටිවත්තේ ගුණානන්ද හිමියන්  හා ක්‍රිස්තියාණි වියතුන් අතර ඇතිවුන මෙහි මුලින් දැක්වූ වාද සතර නිසා බෞද්ධයන්ට බෞද්ධයන් හැටියට පෙරමුණට යාමට ඉමහත් රුකුලක් ලැබිණි. ඒ අවදියේදී රජයේ උපකාර ලැබුනේ ක්‍රිස්තියාණි පක්ෂයටය. එකල ක්‍රිස්තියාණි දේව ගැතිවරුන් ‍ෙ/් වැටුප් ලවා ගෙවන ලද්දේද  ලක් රජය මගිනි. රැකී රක්ෂා හා තාන්න මාන්න බලාපොරෙත්තුවෙන් සමහරු ක්‍රිස්තියාණිය වැලද ගත්හ. ගුණානන්ද හිමියන්ගේ අභාවයන් නව වසරකට පසු ඌරුගොඩවත්ත වාදය ඇතිවිණි. එහි බෞද්ධ පක්ෂයේ කථිකයා වූයේ මොහොට්ටිවත්තේ ජනානන්ද හිමිතුමාය.
බෞද්ධ ක්‍රිස්තියාණි දෙපස අතර ඇති වූ මේ වාද කථා අතුරින් කීපයක් එකල විසූ පඩිවරුන් විසින් ඉංග්‍රීසි භාෂාවට පරිවර්තනය කරන ලදුව ප්‍රසිද්ධ කරවූහ. ඒ පොත්වල පිටපත් ඉංග්‍රීසි, ප්‍රංශ, රුසියන්, ඇමරිකන් ආදී විදේශීය පන්ඩිතයන් අතට පත්විය.  ඒ පොත් කියවූ කර්නල් ඕල්කට්, ලෙඩ්බිටර්, බෙනට්, ආදී උතුමන් හා බ්වැස්කි මැතිනිය බුද්ධ ධර්මය සෙවීම පිණිස සිරිලකට සැපත් වූහ. ඔවුන්ගේ පැමිණීමක් සිදු නොවුනිනම් අද අප රටේ බෞද්ධ අධාපනයෙහි මෙතරම් දියුණුවක් කිසිසේත් ඇති නොවේ.

පංචමහා වාදය භාගත කරගන්න.

බාගතකර ගැනීම

අතිපූජ්‍ය මාතර ශ්‍රී ඥානාරාම හිමි චරිතාපදානය (Most Venerable Mathara Sri Gnarama Thero’s character )

Posted by | බෞද්ධ චරිතාපදාන ( Buddhist Characters) | No Comments

අතිපුජ්‍ය මහෝත්තම ඥාණාරාම ලොකු ස්වාමින් වහන්සේ  උපත ලද්දේ මාතර දිස්ත්රික්කයේ තිහගොඩට නුදුරු (දැනට “උඩුව” ලෙස හැදින්වෙන) බජ්ජිම ගම්මානයේ  1901 වසරේ දෙසැම්බර් 11 දාය. පියා එම ගමේ ගම මුලාදෑනි ආරච්චිල වූ දැද්දුවේ දොන් බැස්ටියන් ජයතුංග මහත්මාය. උන්වහන්සේගේ ගිහි නම  දොන් ඩයස් ජයතුංග විය. පවුලේ බාලයා ලෙස උපන් මේ දරුවා සාසනයට පුජා  කරන්නට එම පවුලේ ගිහි ඥාතිත්වයක්  ඇතිව සිටි, අලියාතොල්ල පන්සලේ විමලජෝති හාමුදුරුවන් කල ඉල්ලීම දෙමව්පියන් පිළිගත්හ. ඒ අනුව ජයතුංග දරුවා ට සත් විය පිරුන පසු 1908 වසරේදී පමණ  දරුවා, විමලජෝති ස්වාමින්වහන්සේට භාර දෙනු ලැබීය. පංසලේ චාරිත්‍ර වාරිත්‍ර කලක් ඉගැනීමෙන් පසු 1917 දෙසැම්බර් මස දිනෙක, දෙවගොඩ ශ්‍රී විජයාරාමාධිපති රාමන්ඥ නිකායේ ප්‍රථම ලේඛකාධිකාරී, පුජ්‍ය මාතලේ අග්ගධම්මාලන්කාර ස්වාමින්වහන්සේගේ අධීක්ෂන්ත්වයෙන්,  මාතර ඥානාරාම නමින් සසුන් ගත කරන ලදී.

ගුණ නැන දෙකින් කෙමෙන් වැඩෙමින් පැවිදි දිවියේ මුල් කාලය ගෙවූ, මේ තුරුණු ස්වාමින්වහන්සේ 1922 ජුලි 10 වැනිදා ශාස්තවෙල්ලියේ උපසේන මාහිමියන්ගේ ආචාර්යත්වය යටතේ උතුම්වූ උපසම්පදාවෙහි පිහිටවූ සේක. ශීලාදී ගුනස්කන්ධයකින් හා මහත් ඥාණ සම්භාරයකින් පොහොසත්වීමේ දැඩි අදිෂ්ටානයක් උන්වහන්සේ තුල විය. ඒ විපුල වූ ඵලය සදහා අල්පවුද සැපයක් ඇත හැරීමේ ගුණය උන්වහන්සේට පිහිටියේය. මුළු රෑ නොනිදා පොල්තෙල් පහනක එළියෙන් ත්‍රිපිටක පොත් හැදෑරීම නිතොර සිදුවුණි.
මත්තා සුඛ පරිච්චාගා
පස්සේ වේ විපුලන් සුඛං
වජේ මත්තා සුඛං ධීරෝ
සම්පස්සන් විපුලන් සුඛං ( ධම්මපදය- පකින්නක වග්ගය)
අල්ප මාත්‍රවූ සැපයක් අතහැරීමෙන් මහත්වූ සැපයක් ලද හැකිබව පෙනෙයි නම්, මහත්වූ සපයා ගැන බලමින් නුවනැත්තා අල්පවූ සැප අත් හරින්නේය..

Read More

අතිපූජ්‍ය කඩවැද්දුවේ ජිනාලංකාර හිමි චරිතාපදානය (MostMost Venerable Kadawadduwe Jinalankara Thero’s character )

Posted by | බෞද්ධ චරිතාපදාන ( Buddhist Characters) | No Comments

පුජ්‍ය කඩවැද්දුවේ ජිනාලංකාර ස්වාමින්වහන්සේ උපත ලද්දේ ක්‍රිස්තු වර්ෂ 1908 දීය. 1921 වසරේදී උන්වහන්සේට වයස 13ක් පමණ වත්දී හොරණ පුර්වාරාම විහාරයේදී ශ්‍රමණ භූමියට ඇතුළුවූ උන්වහන්සේ පයාගල ධම්මගුප්ත පිරිවෙනෙන්ද වැල්ලවත්තේ ධම්මෝදය පිරිවෙනෙන්ද පාලි, සංස්කෘත, තිපිටක ධර්ම සහ අභිධර්ම අද්යනපනය ලත්දේය. 1927 වසරේදී ඉහල උපසම්පදාව ලත් එතුමෝ එවකට දුර්වලව තිබු සංඝයාගේ ගුණ නුවණ වැඩීමට මේ කාලය බව වටහා ගෙන සිටියෝය. උන්වහන්සේට වයස 25 වුන වසර 1932 දී උන්වහන්සේ තෙබුවන ග්‍රන්තකාර පිරිවෙන නමින් භික්ෂු අද්‍යපන මධ්‍යස්ථානයක් ඇතිකළේය.

බුද්ධ ධර්මයේ අරමුණ පන්සල් විහාර ගොඩනැංවීම පමණක් නොවන බව උන්වහන්සේගේ අදහස විය. මිනිසුන්ගේ පිළිවෙත් පැවතුම් නිදොස් කොට ඔවුන් යහ මගට ගැන්වීම ඉතාමත් වැදගත් වුවත්, සංඝයා වහන්සේලා ඒ කාර්යයට මුළු ජීවිතයම කැපකිරීම, බුදුන් වහන්සේ වදාළ “අප්‍රමාදය” නොවන බව එතුමෝ දුටහ. යමෙක් සසුන් ගතවන්නේ පළමු අරමුන ලෙස “සබ්බ ධුක්ක නිස්සරනාය, නිබ්බාන සච්ච කිරියාය” නිවනම අපේක්ෂා කරමින් සසරින් ගැලවීමට නම් එයට අවශ්‍යවන භාවනාව ජීවිතයේ කොටසක් කරගත යුතු බව ජිනාලංකාර ස්වාමින් වහන්සේගේ අදහස විය. භාවනා කරන්නට සුදුසු වාතාවරණයක් ඇති නිස්කලංක පන්සල් විහාර නැති නිසා ආරණ්‍ය සේනාසන ඇති කලොත් මැනවයි උන්වහන්සේ සිතුවේය.
ඒ සඳහා උන්වහන්සේ ශ්‍රී කල්‍යාණ යෝගාශ්‍රම සංස්ථාව නමින් සංවිධානයක් 1951 වසරේ ජුනි 18 වැනිදා ඇතිකරවූහ. ඒ සංවිධානය ඇතිකළ ප්‍රථම සේනාසනය කිරින්දේ නිමලව ආරණ්‍යයය. ඉන්පසු දෛවොපගතවම මෙන්, පුජ්‍ය මාතර ශ්‍රී ඥානාරාම ස්වාමින්වහන්සේ ජින්වන්සාලන්කාර ස්වාමින්වහන්සේට එකතුවීමෙන් ද, අසෝක වීරරත්න ශ්‍රීමතාණන් විසින් මීතිරිගල නිස්සරණ වනය සේනාසනය ඇතිකිරීමෙන්ද, මේ උත්සාහය මල්පල ගත්තායි කීවොත් නිවැරදිය. අද ලංකාව පුරා ශ්‍රී කල්‍යාණ යෝගාශ්‍රම සංස්ථාවට අනුබද්ධිතව ආරණ්‍ය සේනාසන 150ක් පමණ ඇත. පැවිද්දන්ගේ විමුක්ති මාර්ගයට එලබෙන්නට අවශ්‍ය භාවනා කරන්නට සුදුසු සියලු අවශ්‍යතා ඉටුකරදෙන්නට සැදී පැහැදී සිටිනා ශ්‍රද්ධාවත් දායකයන් මේවායේ ක්‍රියා කරයි.

Read More

සප්ත විශුද්ධි හා විදර්ශනා ඥාන – මාතර ශ්‍රී ඥානාරාම ස්වාමීන් වහන්සේ ( Saptha wishudhdhi ha widarshana gna – Most Ven. Mathara sri gnarama thero)

Posted by | පූජ්‍ය මාතර ඥානාරාම හිමි රචිත ග්‍රන්ථ … ( Ven. Matara Sri Gnanarama Thero Books ) | No Comments

යම් කෙනෙක් මිනිසත් බව ලැබ මැනවිල් දෙසූ සදහම් ඵලයක් නොලබත්ද ඔවුහු ක්ෂණය ඉක්මවා යෙත්. පුද්ගලයෙකුට අන්තරාය වූ බොහෝ අනවකාශයෝ ( අක්ඛණා) වදාරණ ලදහ. මිනිසත් බව ලැබීමද, සදහම් දෙසීමද,යන යමක් ලොව අතිශය දුර්ලභ වේද මෙය ඔහුට හමුවිය. එහිලා සිත කැමති මිනිසා විසින් වෑයම් කිරීම සිදුකල යුතුය. ” සදහම් දෙසුම කෙසේනම් දැනගන්නේද, අවකාශය ඉක්මවා නොයේවා යන අදහසිනි. ඉකුත් අවකාශ ඇත්තෝ නිරයෙහි උපන්නාහා ශෝක කෙරෙත්මැයි”

මේ පිරිස විසින් සැලකිය යුතු කරුණක්නම් මේ ආකාර වූ කමටහන් බණකට කන් යොම කරන්නට අවස්ථාව සැලසීම තම සන්තාන ගත පාරමිතා කුශල කර්ම වාරයක ප්‍රවෘත්ති කාලය වශයෙන් සිතිය හැකි බවය. එය තවත් තහවුරු කර ගැනීමට අද ලැබී ඇති සැනසිලි තත්වය කෙරෙහි සිත යෙදිය යුතුය.

– කතෘ ස්වාමීන් වහන්සේ

මෙම පොත පහත ලින්ක් එකෙන් ඩවුන්ලෝඩ් කරගන්න.
බාගතකර ගැනීම

සත් අනුපස්සනා – මාතර ශ්‍රී ඥානාරාම ස්වාමීන් වහන්සේ ( Sath anupassana – Most Ven. Mathara sri gnarama thero)

Posted by | පූජ්‍ය මාතර ඥානාරාම හිමි රචිත ග්‍රන්ථ … ( Ven. Matara Sri Gnanarama Thero Books ) | No Comments

සැපය සම්පත්තිය ලගාකරගැනීමටත්, දුක් ඉවත් කරලීමටත් මේ ලෝකයේ සත්වයෝ බරපතල මහන්සියක යෙදෙති. එහෙත් තම තමන්ගේ සිතුම් පැතුම් සපුරා ගැනීමටනොහැකි වී දිගින් දිගටම තැවෙන්නාහ. ” අපි සැප වින්දනයට ආසා කළෙමු. ඒ සදහාම නොයෙක් දේ රැස් කලෛමු. සැල.් වින්දෙමු. ඒත් සැනසිල්ලක් නැහැ. අපිට තේරුමත් නැති, අරමුණක් නැතිගමනක යෙදෙන්නට උනා. අප බලාපොරොත්තු වූයේ සැපයයි.  එහෙත් අප රැවටිලි නොමැති සැපයක යි දැවටී කල් ලෙවූයේ.  මේ වනාහි ඔවුන්ගේ මුවින් නිකුත්වන අදෝනාවන්ගෙන් ස්වල්පයකි.”
මෙයට හේතුව කුමක්ද? නියම සැපය යනු කුමක්දැයි ඔවුන් නොදැන සිටීමයි. සැපය වශයෙන් ඔවුන් විසින් සලකනු ලබන්නේ තම හිතේ පහලවන සැප වේදනාවයි. මේ වින්දනයෙහි නියම නුවරූපය නොදැනීමෙන් ” සැපය විදින්නේ මමය” යන වැරදි හැගීමෙන් ඔවුහු මුලාවෙති.එහෙයින් සැප වේදනාව කෙරෙහි ඔවුන් තළණ්හාවෙන් ඇලෙති.  නමුත් මේ සැපය දිගටම පවතින්නෙ නැත.
– කතෘ ස්වාමීන් වහන්සේ

මෙම පොත පහත ලින්ක් එකෙන් ඩවුන්ලෝඩ් කරගන්න.
බාගතකර ගැනීම

IFBC Home Page