ධර්මය දකින්නට තිඛෙන්නේ ආර්ය අෂ්ඨාංගික මාර්ගය ප්රගුණ කිරීමෙන් මිස වෙන ක්රමයකින් නො වන බව ධර්මය දන්නා සියලූ දෙනා දනිති. එය සක්සුදක් සේ පැහැදිළි කරුණකි. එවන් පැහැදිලි මගක් බුදුරජාණන් වහන්සේ විසින් පෙන්වා දී තිබිය දී වෙන මතිමතාන්තර තුළින් ඒ මාර්ගය විකෘති වීමට ඉඩ දී බලා සිටීම ශාසනකාමී බෞද්ධයන් ගේ යුතුකමක් නොවේ. මා මේ පොත ලියන්නේ මාංශභක්ෂකයින් බිහිකිරීමට නොවේ. නිර්මාංශී උදවියට ගැරහීමට ද නොවේ. නිර්මාංශී වීම හෝ නො වීම තුළ වාද විවාද හටගැනීම වළක්වාලීම පිණිස ය. ආර්ය අෂ්ටාංගික මාර්ගය දියුණු කරගැනීමට අනුබල දීම පිණිස ය. සමඟිය ඇතිවීම පිණිස ය. වාද විවාද නො කරමින් හැබෑම කරුණා මෛත්රියෙන් යුතුව ගෞතම ශාසනයෙහි පිළිවෙත් පිරීම පිණිස ය. එනිසා මේ පොත කියවීමෙන් නිර්මාංශ ආහාර පිළිබඳව කෙනෙකු ගේ අවබෝධය නිවැරදි වේ නම් පොත ලිවීමේ උත්සාහයට එය ම සෑහේ.
සියලූ දෙනා හට ම මේ ගෞතම බුදුසසුනේ චතුරාර්ය සත්යය ධර්මය තම තම නැණ පමණින් පසක් කර ගැනීමේ භාග්යය උදා වේවා …
කිරිබත්ගොඩ ඤාණානන්ද හිමි