“ පහන් පූජාව සදහා දැනට භාවිතා වෙන ඝනසාරප්පදිත්තේන යනාදී ගාථාව කපුරු දල්වා පිදීම සදහා කර ඇති ගාථාවකි. එබැවින් ඒ ගාථාව කියවීමත් මට අප්‍රියය. ඒ නිසා පහන් පූජාව සදහා අමුතුවෙන් ගාථා දෙකක් රචනා කරන ලදි.
දෙවියන්ට පින්දීම සදහා භාවිතා කරන එත්තාවතාච අම්මේහි යන ගාථාව දෙවියන්ට ආරාධනා කොට පිරිත් කියා ඒ පින දෙවියන්ට අනුමෝදන් කරවීම සදහා රචිත ගාථාවකි. එසේ හෙයින් ඒ වෙනුවෙන්ද ගාථාවක් පිලියෙල කරන ලදි. බෞද්ධයෝ රෝග සුව කරගැනීමටත්, ග්‍රහ අපල දුරුකරගැනීමටත් පිරිත භාවිතා කරති. එසේ හෙයින් ඔවුන්ට ඒව සිදුකර ගතහැකි වනු සදහා පිරිත් හා ඒවායින් ප්‍රයෝජන ලබන ආකාරය ආදිය පිලිබද මෙම ග්‍රන්ථයට ඇතුලත් කරන ලදි ” ” – කතෘහිමියන් විසින් තැබූ සටහන ඇසුරිනි.
බුදුපිළිම වහන්සේට මල් පහන් පූජා කරන ලද්දෙ බුදුහිමියන් ජීවමාන කාලයේමය. මේ බව කෝසල බිම්බවර්ණනාවේ මැනවින් සදහන් වේ. බුදුපිලිම වහන්සේට නිසිපරිදි වන්දනාමාන කිරීමෙන් මහා භාග්‍යවත් ජීවිතයක් උදාකරගත හැකිවනු ඇත. එවන් පුදුපූජා නිසි පරිදි සිදුකිරීම ගැන කියවෙන මේ පොත්වහන්සේ භාගත කරගෙන ඔබේ දහම් දැනුම වර්ධනය කරගන්න.